குறிப்புக்கள் - (Notes)
வேறுபாடுகள் - (Pathanthara)
¹ - சந்த₃முன - சந்தா₃ன : 'சந்த₃முன' சரியான சொல்லாகும்.
² - உப்பொங்கெ₃னு - உப்பொங்கி₃னி : 'உப்பொங்கெ₃னு' சரியான சொல்லலாகும்.
⁴ - கட்டு ரீதி மனஸு - கட்டு ரீதி நா மனஸு.
⁶ - கத₃லது₃ - கத₃லனு : 'கத₃லது₃' இவ்விடத்தில் சரியான சொல்லலாகும்.

⁸ - ஸத்₃வைராக்₃யமுனிதி₃யு - ஸத்₃வைராக்₃யமு நிதி₄யு : 'ஸத்₃வைராக்₃ய' என்றிருந்தால், 'நிதி₄யு' சரியாக இருக்கலாம். ஆனால், எல்லா புத்தகங்களிலும், 'ஸத்₃வைராக்₃யமு' என்று கொடுக்கப்பட்டுள்ளதால் 'நிதி₄யு' தவறாகும்.

¹¹ - போ₄க₃மந்து₃ - போ₄க₃மொந்து₃ : தியாகராஜர் மற்ற கிருதிகளிலும் 'போ₄க₃மந்து₃' என்று பயன்படுத்துகின்றார். எனவே, 'போ₄க₃மந்து₃' ஏற்கப்பட்டது.
Top

மேற்கோள்கள்
³ - கல்ப பூ₄ஜ - கற்பதரு - விரும்பியதையருளும் வானோர் தரு. கற்ப தருவினை கொடிகள் சுற்றியுள்ளதாகக் கூறுவர்.
⁵ - கல்பமுலு - கற்பம் - ஆயிரங்கோடியாண்டுகள்
⁹ - ஸாயுஜ்ய - இறைவனுடன் ஒன்றுதல் - ஆதி சங்கரர் இயற்றிய 'சிவானந்தலஹரி'யில் (செய்யுள் 28) இறைவனுடன் ஒன்றுதலில் உள்ள நான்கு படிகளான 'சாலோகம்', 'சாமீபம்', 'சாரூபம்' மற்றும் 'சாயுச்சியம்' விளக்கப்பட்டுள்ளது.

திருமூலரின் திருமந்திரம் செய்யுள் 1507 முதல் 1513 நோக்கவும்.
Top

விளக்கம்
⁷ - அத்₃வைத ஸாம்ராஜ்யமு - இரண்டன்மை - அத்துவைதம். சதாசிவ பிரமேந்திரர் என்ற மகானின் 'கே₂லதி பிண்டா₃ண்டே₃' என்ற கீர்த்தனையில் கூறப்படும் 'ஹம்ஸஸ்ஸோஹம் ஸோஹம் ஹம்ஸ' என்ற மகாவாக்கியத்தின் நேரடி உணர்வு.

¹⁰ - த்யாக₃ராஜுசே சேயிஞ்சி - தியாகராசனால் சேவை செய்வித்து - 'தியாகராசனின் கரங்களால் சேவை செய்வித்து' என்றும் பொருள் கொள்ளலாம். இறைவனுக்கு சேவை செய்வதற்கும் இறைவனுடைய அருள் வேண்டும். இதனை 'அனுக்ரஹம்' என்று சம்ஸ்கிருதத்தில் கூறவர். இதுகுறித்து காஞ்சி மாமுனிவரின் விளக்கத்தினை நோக்கவும்.

¹¹ - போ₄க₃மந்து₃ - களிப்பு எய்துவாய் - இரண்டாவது சரணத்தில் கூறியபடியான 'உண்மையான மனைவி கணவனுக்குச் செய்யும் சேவை'யைக் குறிக்கும். இதனை, 'நாரத பக்தி சூத்திர'த்தில் (82) 'காந்தாசக்தி' (இறைவனிடம் மனைவியைப் போன்றதான பற்று கொள்ளுதல்) என்று கூறப்படும்.

பற்றறுத்தல் - 'வைராக்கியம்' எனப்படும் உலக இன்பங்களத் துறந்த நிலை
Top